7 žanočych pamyłak paśla seksu
Paznajomiłasia z chłopcam, žarści napalilisia, pieščy, luboščy, i voś na zaŭtra ty telefanuješ siabroŭkam… Pamyłka! «Naŭmysna» zabyła ŭ jaho piarścionak — jašče adna! Padajem 7 pamyłak, jakija robiać žančyny paśla seksu.
1. Bałbatlivaść. Paśla luboščaŭ mužčyny razmaŭlać nie lubiać: ani pra pačućci, ani pra płany, i navat pra svaju palityčnuju aryjentacyju. Jany lubiać padumać, uspomnić, acanić. Na dumku mužčyny, u pieršyja paŭhadziny paśla hetaha vam abaim varta pryniać duš abo papić kavy, i tolki paśla hetaha mužčyna razhavarycca.
2. Paraŭnańnie z byłym chłopcam. «Lonik, moj były chłopiec, ta-ko-je ŭ łožku vytvaraŭ…». Daražeńkaja, ničoha horšaha ty skazać nie mahła. Ty začapiła jahonuju mužčynskaść? Heta moža być fatalna. Kožny raz, što jon zachoča dakranucca da vas, jaho hałavu buduć naviedvać hetyja abrydlivyja dumki pra toje, što «jon nie dla ciabie», što ŭrešcie adpudzić jaho ad vas.
3. Telefanavańni na zaŭtra. Pakachalisia, vykuryli razam cyharetu, kožny pajšoŭ svajoj darohaj. Dyk napramiły Boža, našto telefanavać zaŭtra pieršaj? Vy ž chočacie, kab ź im raźvivalisia adnosiny i dalej. Tady nastupnym razam — maŭčok, bo miač na jaho baku. Chaj pasumuje, maralna saśpieje pazvanić.
4. Znajomić z kampanijaj. Dajcie ŭsiamu raźvivacca naturalnym čynam. Da jaho zavitali siabry — dyk kirujcie da svaich siabrovak. Vy pavinny sustrecca ź siabrami — idzicie da ich bieź jaho. Sustrenieciesia nastupnym razam, kali budzie zručna i jamu i vam. U vas dziełavaja sustreča na ranicy? Heta značyć, vy zaniataja. Navat kali vam prapanujuć źjeści łazańniu la Kalizieja. U vas — samastojnaje žyćcio, i ŭ dadatak chaj jon ciapier ź nieciarplivaściu pačakaje vašaj nastupnaj sustrečy.
5. Pakidańnie śladoŭ. Zabyłasia piarścionak — čakajcie zvanka ad jaho, ale sami — ani. Naŭmysna zabyli piarścionak i patelefanavali? Stary, nadta stary fokus, i nie vielmi jakasny, treba dadać.
6. Vyhadvańnie spadzievaŭ. Zakachacca — možna, vy vartaja kachańnia, majecie poŭnaje prava mieć ad jaje asałodu — ale ž nie varta dzialicca svajoj zakachanaściu sa svaim abrancam na hetym etapie.
7. Paviedamleńnie siabroŭkam. Pabiehčy i paviedamić siabroŭkam — vaša sprava. Ale tolki paśla taho, jak jon zaprosić vas u ramantyčnuju ekskursiju na Narač abo na kancert «Okieana Elzi» — nie raniej. Chaj bałboča pra luboščy i adnosiny jon. Vy ž za zastavajciesia zahadkavaj i niedastupnaj. Nikoli nieviadoma, da kaho dojdzie tvaja infarmacyja, tamu varta pilnavacca cišyni, pakul stanovišča nie praśviatlicca.
