«Lapis Trubiackoj» budzie chedłajnieram na sioletnim Basoviščy
Chedłajneram
«Lapis Trubiackoj» — hurt, jaki abaviazkova treba pakazać na «Basoviščy». Ź inšaha boku, «Lapis» budzie dobrym pierapynkam na dvaccać hod «Basovišča», bo jon krychu roźnicca ad papiarednich chedłajneraŭ — NRM ci ND, što taksama aśviažyć festyval, — raspaviadaje staršynia BAS Kasia Kuźmič. — My ŭsie vielmi ŭzradavanyja ŭdziełu «Lapisa Trubiackoha». Dla nas heta vialikaja padzieja, ź nieciarpieńniem čakajem vystupu. Vielmi pryjemna, što «Lapisy» z achvotaj pryniali našaje zaprašeńnie. Spadziajemsia, «Basovišča» im spadabajecca!»
Pra mahčymy ŭdzieł «Lapisa Trubiackoha» ŭ
Pradusar «Lapisa Trubiackoha» Jaŭhien Kałmykoŭ raspavioŭ jak im ujaŭlajecca «Basovišča» i jakuju prahramu rychtuje hurt: «Kučy studentaŭ ź pivam na abočynach — taki narmalovy zdarovy bardak na miažy! :) Pajezdka na „Basovišča“ nam bačycca ŭ miežach vychadu eŭrapiejskaha albomu „Agitpop“, tamu i prahrama budzie — the best troch apošnich albomaŭ „Lapisaŭ“. Na leta ŭ nas zaplanavanyja kancerty nia tolki ŭ Eŭropie, a, skažam, u Azii. Tamu budziem spałučać, katacca
Nahadajem, na «Basoviščy» sioleta ŭpieršyniu za šmat hadoŭ nia budzie vystupaŭ NRM, «Kramy» dy «Nejra Dziubiela», a taksama mnohich inšych tradycyjnych dla jaho hurtoŭ. «Chočam aśviažyć festyval», — tłumačać arhanizatary «Basovišča». Na siońnia ŭ prahramie dvuchdzionnaha festu ŭžo zaplanavanyja vystupy hurtoŭ «Troica», «Hurzuf», «Adys Abieba», Litvintroll, Re1ikt, Rima i Lipali. Prahrama jašče farmujecca, i basaŭcy praciahvajuć pieramovy z šeraham biełaruskich hurtoŭ.
U hety ž čas składajecca śpis udzielnikaŭ konkursnaj častki «Basovišča» i Volnaj sceny — arhanizatary festu praciahvajuć prymać zajaŭki na konkurs pa 15 traŭnia 2010 hodu. Taksama BASaŭcy viaduć pieramovy pra arhanizacyju biaspłatnych vizaŭ dla naviedvalnikaŭ festyvalu ź Biełarusi.
