Uładalnikam «Kryštalnaj Paŭlinki» staŭ Hienadź Harbuk
Viečaram 27 sakavika ŭ Nacyjanalnym akademičnym teatry imia Janki Kupały prajšła viečaryna-kapuśnik, pryśviečanaja Mižnarodnomu dniu teatra.
Viečaram 27 sakavika ŭ Nacyjanalnym akademičnym teatry imia Janki Kupały prajšła viečaryna-kapuśnik, pryśviečanaja Mižnarodnamu dniu teatra.
Padčas viečaryny adbyłosia ŭznaharodžańnie za najlepšyja teatralnyja raboty hoda. Dypłomy i pryzy ŭručyli majstram sceny ministr kultury Pavieł Łatuška i staršynia Biełaruskaha sajuza teatralnych dziejačaŭ tvorčaha sajuza Alaksiej Dudaraŭ.
Uładalnikam vyšejšaj uznaharody — «Kryštalnaj Paŭlinki»— staŭ kupałaviec, narodny artyst Biełarusi Hienadź Harbuk.
«Kryštalnuju zorku», jakaja prysudžajecca za vialiki ŭniosak u raźvićcio teatralnaha mastactva, atrymała artystka Nacyjanalnaha akademičnaha dramatyčnaha teatra imia Jakuba Kołasa Halina Bukacina.
«Kryštalnuju kvietku», jakoj adznačajuć akcioraŭ-debiutantaŭ, atrymała artystka Kupałaŭskaha teatra Valancina Harcujeva. «Kryštalny anioł» uručany artystcy Hrodzienskaha abłasnoha teatra lalek Łarysie Mikulič.
Nahrudnyja znaki «Za ŭniosak u raźvićcio kultury Respubliki Biełaruś» atrymali režysior-pastanoŭšyk Kołasaŭskaha teatra Juryj Lizianhievič, artystka Nacyjanalnaha akademičnaha dramatyčnaha teatra imia Maksima Horkaha Alena Uładamirskaja, artysty Kupałaŭskaha teatra Jaŭhienija Kulbačnaja i Andrej Kavalčuk, viadučy majstar sceny teatra-studyi kinaakciora nacyjanalnaj kinastudyi «Biełaruśfilm» Anatol Ciarpicki, a taksama Łarysa Mikulič.
