Renault Logan i Ford Focus stali samymi papularnymi ŭ Maskvie
Analiz rehistracyi novych aŭtamabilaŭ u stalicy pa vynikach 2009 hodu pakazaŭ, što samymi papularnymi madelami novych aŭtamabilaŭ u Maskvie źjaŭlajucca Ford Focus i Renault Logan, paviedamlaje ahienctva «Aŭtastat»
Uładalnikami novych «Fokusaŭ» u minułym hodzie staŭ 13 181 žychar rasijskaj stalicy i 6875 žycharoŭ Maskoŭskaj vobłaści. A kolkaść uładalnikaŭ Renault Logan za minuły hod u stalicy pavialičyłasia na 8381 čałavieka, a ŭ Maskoŭskaj vobłaści — na 5830 čałaviek.
Analityki adznačajuć, što ŭ adroźnieńnie ad ahulnarasijskaha rejtynhu, dzie pieršyja miescy pakul jašče ŭpeŭniena zajmajuć madeli Lada, u žycharoŭ staličnaha rehijonu vazaŭskaja pradukcyja papularnaściu nie karystajecca. Tak, Samara ŭ Maskoŭskaj vobłaści znachodzicca tolki na trecim radku, «kłasika» — na čaćviertym, a Priora — na šostym. U Maskvie ž Priora ŭvohule nie traplaje ŭ dziesiatku madelaŭ‑lideraŭ, a Samara (4392 št.) i «kłasika» (4269 št.) zajmajuć tolki vośmaje i dziesiataje miescy. Ich upeŭniena abhaniajuć Chevrolet Lacetti (5993 št.), Mitsubishi Lancer (5294 št.), Opel Astra (5178 št.), Kia Ceed (5096 št.) i Nissan Qashqai (4760 št.). Na adnym uzroŭni z vazaŭskimi madelami ŭ Maskvie taksama pradajecca Mazda‑3 (4281 št.).
