U Finlandyi zabaranili pakazvać cyharety pakupnikam
Finskija ŭłady zrabili bolš žorstkimi zakony, nakiravanyja na baraćbu z kureńniem. Z hetaha času tytuniovuju pradukcyju zabaroniać vystaŭlać na vitrynach kramaŭ krainy.
Finskija ŭłady zrabili bolš žorstkimi zakony, nakiravanyja na baraćbu z kureńniem. Z hetaha času tytuniovuju pradukcyju zabaroniać vystaŭlać na vitrynach kramaŭ krainy.
Zhodna z novym zakonam, uładalnikaŭ kramaŭ abaviažuć da viasny prybrać usie vitryny z tytuniovymi vyrabami. Kurcam pry nabycci cyharet daviadziecca pytacca ab ich u pradaŭcoŭ, jakija buduć dastavać žadanaje z‑pad pryłaŭka.
Zakon taksama zabaronić kuryć u mašynie, kali ŭ joj znachodzicca niapoŭnahadovy. Akramia taho, na praciahu najbližejšych troch hadoŭ u Finlandyi płanujecca demantavać usie aŭtamaty pa prodažy cyharet.
Takaja zakanadaŭčaja inicyjatyva zroblenaja ŭ ramkach prahramy pa poŭnym vykaranienni kureńnia — pavodle słoŭ dziaržaŭnaha sakratara Iłki Aksały, Finlandyja pastaviła metu stać pieršaj krainaj, jakaja pazbaviłasia ad hetaj škodnaj zvyčki «raz i nazaŭsiody». Ułady različvajuć dasiahnuć hetaha ŭ najbližejšyja 30 hadoŭ.
Jak skazana ŭ paviedamlenni, hihant tytuniovaj industryi Philip Morris pačaŭ vyvučeńnie jurydyčnych mahčymaściaŭ vychadu z situacyi.
