U Minsku zatrymali čarhovych skradalnikaŭ lusterkaŭ z aŭto

Nočču 1 lutaha na vulicy Starynaŭskaja ŭ Minsku pry sprobie kradziažu lusterkaŭ z aŭtatranspartu byli zatrymany try žychary Salihorska (Minskaja vobłaść).

Pieršamajskim RUUS u dačynieńni da ich raspačata sprava na padstavie č. 2 art. 205 Kryminalnaha kodeksa (kradziež). Ciapier praviarajecca datyčnaść maładych ludziej da anałahičnych złačynstvaŭ, učynienych u inšych rajonach horada.

Jak paviedamiŭ načalnik adździeła infarmacyi i hramadskich suviaziej HUUS Minharvykankama Alaksandr Łastoŭski,

razukamplektoŭščyki aŭtamašyn, asabliva darahich marak, aktyvizavalisia ź siaredziny minułaha hoda.

U studzieni 2010 hoda pavodle faktaŭ kradziažoŭ z aŭtatranspartu va ŭsich rajonach horada było raspačata 668 kryminalnych spraŭ. Heta bolš, čym hod tamu. Mahnitoły stanavilisia abjektami złačynnych zamachaŭ 146 razoŭ, lusterkavyja elemienty — 273 razy.

Pa kolkaści raspačatych kryminalnych spraŭ lidzirujuć Frunzienski (156), Zavodski (122) i Saviecki (90) rajony Minska. Mienš za ŭsio kradziažoŭ z aŭtatranspartu zarehistravana ŭ Kastryčnickim i Partyzanskim rajonach.

Viačasłaŭ Budkievič, BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0