Naniatyja biełarusam dla napadu na Leanida Vołkava palaki prakałolisia na drobiazi. Voś jak jany siabie vydali
Niadaŭna polskaja palicyja zatrymała dvuch hramadzian Polščy pa padazreńni ŭ napadzie na rasijskaha apazicyjaniera Leanida Vołkava ŭ Vilni. Siłaviki znajšli ich za try tydni.
Leanid Vołkaŭ paśla napadu. Fota: t.me/ioannZH
Na Vołkava napali 12 sakavika. Nieviadomyja raźbili akno jaho mašyny, raspylili ŭ tvar ślozatačyvy haz, a zatym pačali bić palityka małatkom. Paplečniku Alaksieja Navalnaha ŭdałosia ŭciačy i vyklikać palicyju. Napadniki ŭciakli, ale praz try tydni ich znajšli.
Vydańnie Rzeczpospolita daviedałasia, jak siłaviki vyjšli na tych, chto napadaŭ. Akazałasia, jany sami siabie vydali. Padčas napadu jany kinuli adzin adnamu niekalki polskich słoŭ. Akramia taho, jany padklučalisia da mabilnaj sietki z polskich numaroŭ. Supastaviŭšy fakty, polskim i litoŭskim siłavikam udałosia ŭstanavić napadnikaŭ. Adzin ź ich, darečy, vinu nie pryznaje.
Pavodle źviestak premjer-ministra Polščy Donalda Tuska, napad na Vołkava zamoviŭ hramadzianin Biełarusi, jaki byŭ zavierbavany rasiejskimi śpiecsłužbami. Rasśledavańnie praciahvajecca.
Čytajcie taksama:
«Vypalim žalezam». Tusk paviedamiŭ, što napad na paplečnika Navalnaha zakazaŭ biełarus
