Biełarus zhubiŭ u Kamierunie polski dazvoł na žycharstva i nie moža viarnucca dadomu
Biełarus Pavieł Viłtoŭski žyvie ŭ Polščy i pracuje fatohrafam. Niadaŭna mužčyna pajechaŭ pa pracu ŭ Kamierun, ale zhubiŭ tam polski DNŽ i tamu nie moža viarnucca ŭ Jeŭropu.
Fota: zrzutka.pl
Viłtoŭski — palityčny ŭciakač, u žniŭni 2020-ha jon apynuŭsia na Akreścina. Paźniej źjechaŭ u Polšču i ŭładkavaŭsia ŭ Poznani.
Na dniach u sacsietkach adnaho z poznańskich baraŭ źjaviłasia prośba dapamahčy Paŭłu. Pavodle jaje, biełarus pajechaŭ na pracu ŭ Kamierun, ale tam zhubiŭ kartku polskaha DNŽ i bieź jaje nie moža trapić nazad u Polšču. Situacyju ŭskładniaje toje, što kamierunskija vulicy — nie samaje biaśpiečnaje miesca dla jeŭrapiejcaŭ.
Jak pišuć siabry Paŭła, polskaje konsulstva admoviłasia jamu dapamahčy. Biełarusu dali na vybar dva varyjanty — pajści ŭ biełaruskaje pasolstva ci zastacca ŭ Kamierunie nazaŭsiody.
Ciapier siabry chłopca źbirajuć hrošy, kab Viłtoŭski zmoh nabyć kvitok u Hruziju. Tam jon źbirajecca znajści časovy prytułak i atrymać jurydyčnuju dapamohu, a taksama zaniacca adnaŭleńniem dakumientaŭ.
«Naša Niva» — bastyjon biełaruščyny
PADTRYMAĆČytajcie taksama:
Biełarusy pierajechali ŭ Ekvador — jak im tam žyviecca? ŠMAT FOTA
Były trenier bresckaha «Dynama» pryznaŭsia, što tracić u Maskvie da 500 jeŭra za miesiac
