Uradženiec Mazyra ŭznačaliŭ Upraŭleńnie raspracoŭki novych mietadaŭ viadzieńnia boju CACHAŁ
Raniej Raman Hofman kiravaŭ bryhadaj.
Raman Hofman. Fota: Wikimedia Commons
Uradženiec Mazyra, bryhadny hienierał Armii Izraila Raman Hofman uznačaliŭ Upraŭleńnie raspracoŭki novych mietadaŭ viadzieńnia boju Hałoŭnaha ŭpraŭleńnia płanavańnia hienieralnaha štaba CACHAŁa (Armii abarony Izraila), piša newsru.co.il.
Raman Hofman naradziŭsia ŭ Mazyry ŭ 1976 hodzie. U 1990 hodzie repatryjavaŭsia z baćkami ŭ Izrail. Vučyŭsia ŭ siaredniaj škole ŭ Ašdodzie, a potym u vajskovym internacie ŭ pasieliščy Eli.
U 1995 hodzie byŭ pryzvany na słužbu ŭ braniatankavyja vojski Armii abarony Izraila. Słužyŭ kamandziram uzvoda, a zatym i kamandziram roty. U 2002 hodzie braŭ udzieł u apieracyi «Achoŭnaja ściana». Zatym byŭ pryznačany namieśnikam kamandzira 71-ha bataljona 188-j braniatankavaj bryhady. Potym zajmaŭ anałahičnuju pasadu ŭ 460-j braniatankavaj bryhadzie. Paźniej słužyŭ u štabie braniatankavaj dyvizii «Haaš».
U 2011-2013 hadach kamandavaŭ 75-m bataljonam u 7-j braniatankavaj bryhadzie.
Raman Hofman u 2019 hodzie staŭ pieršym pradstaŭnikom Vialikaj alii, jaki dasiahnuŭ zvańnia hienierał-majora i atrymaŭ dyviziju pad svajo kamandavańnie. Hofman staŭ kamandziram dyvizii «Cha-Bašan» u Paŭnočnaj akruzie, jakaja harantuje biaśpieku Hałanskich vyšyń i prylehłych da ich terytoryj.
27 kastryčnika 2022 hoda zaniaŭ pasadu kamandzira Nacyjanalnaha centra vučeńniaŭ suchaputnych vojskaŭ.
7 kastryčnika 2023 hoda padčas bajoŭ z bajevikami CHAMAS byŭ surjozna paranieny ŭ bai pad Sderotam.
Raman Hofman žanaty, maje troch dačok.
Čytajcie taksama:
Izrailski dypłamat zapuściŭ kulturnicki jutub-prajekt, u jakim cudoŭna havoryć pa-biełarusku
