Mahiloviec atruciŭsia nastojkaj z muchamoraŭ, jakuju piŭ dla azdaraŭleńnia
Mužčyna ŭ toj dzień padrychtavaŭ nastojku, pakłaŭšy ŭ jaje hryboŭ bolš, čym zvyčajna.
Fota: Iuliia Zavalishina / vecteezy.com
Žychar Mahilova trapiŭ z atručeńniem u balnicu paśla ŭžyvańnia nastojki muchamoru, paviedamili va ŭpraŭleńni HKSE pa Mahiloŭskaj vobłaści.
Paśla zdareńnia pačali pravierku, u jaho ŭ domie znajšli frahmienty hryboŭ, jakija byli nakiravanyja na ekśpiertyzu. Paźniej vyśvietliłasia, što jany nie ŭtrymlivajuć narkatyčnych srodkaŭ, psichatropnych rečyvaŭ i inšych padobnych rečyvaŭ.
U balnicy 36-hadovamu pacyjentu była akazana nieabchodnaja dapamoha, a praź niekalki dzion jaho vypisali.
U kamitecie adznačyli, što bolšaść muchamoraŭ niejadomyja abo atrutnyja, tolki niekalki vidaŭ možna ŭžyvać u ježu, ale adroźnić ich mohuć tolki śpiecyjalisty.
Čytajcie taksama:
Litoŭskaja mytnia zatrymała amal 200 kh sušanych muchamoraŭ ź Biełarusi
22-hadovaja biełaruska atruciłasia sušanymi muchamorami ŭ prestyžnym maskoŭskim hateli
