Viazień źbieh z turmy z dapamohaj łyžki i trymalnika dla tualetnaj papiery
«Ja prosta chacieŭ ubačyć svaju maleńkuju dačku, ja tak sumavaŭ pa joj». Ale ŭsio skončyłasia sumna.
Fota: Bild
U Hiermanii źniavoleny vybraŭsia na volu z dapamohaj łyžki i trymalnika dla tualetnaj papiery — zaraz da jaho terminu dadasca siem miesiacaŭ turmy, piša Bild.
Chusien R. prysudžany da siami miesiacaŭ turemnaha źniavoleńnia ŭ suviazi z psavańniem majomaści i razbureńniem budynka. U śniežni 2023 hoda jon, vykarystoŭvajučy łyžku i złamany trymalnik dla tualetnaj papiery, za čatyry miesiacy prarabiŭ dzirku pamieram 30ch30 santymietraŭ u ścianie turmy. Zatym złačyniec spuściŭsia z dapamohaj praścin i źbieh.
Fota: Bild
«Ja prosta chacieŭ ubačyć svaju maleńkuju dačku, ja tak sumavaŭ pa joj», — skazaŭ Chusen R. padčas suda. Ucioki zaviaršylisia na nastupny dzień u Traŭnštajnie (Bavaryja).
Jon nie paśpieŭ pabačycca z dačkoj: «Mianie aryštavali prosta pierad dźviaryma».
Chusien R. znachodziŭsia pad vartaj za toje, što z saŭdzielnikami apahaniŭ 32 mahiły na čatyroch mohiłkach u rajonie Traŭnštajna, u tym liku jon vykraŭ mahilnyja kryžy z łatuni i miedzi i zdaŭ ich na mietałałom.