Pobač z praśpiektam Pieramožcaŭ uzvodziać novy budynak. Što tam budzie
Pobač z kompleksam Riviera Plaza u hetym miesiacy pačali ŭzvodzić novy budynak. Onlíner daviedaŭsia, što mienavita vyraście za budaŭničym płotam.
Fota: People.onliner.by
Adras novaj ustanovy — praśpiekt Pieramožcaŭ, 102a. Tut źjavicca budynak na dva pavierchi z terasaj, płoščaj kala 1500 «kvadrataŭ». Tam raźmieścicca «Vieładrajv», źviazany ź sietkaj «Burhier Kinh».
Detali prajekta Onlíner raspaviali ŭ TAA «Kvartał enierhija», jakoje zajmajecca abjektam.
Fota: People.onliner.by
— My chočam zrabić našu stalicu jašče bolš pryvabnaj i zručniejšaj dla haradžan, — raspavioŭ pradstaŭnik kampanii. — Mienavita tamu ŭźnikła ideja raźvivać infrastrukturu ŭ vakolicach vieładarožak. Vybrali miesca z maksimalnaj kancentracyjaj viełasipiedystaŭ, a taksama amataraŭ samakataŭ, hiraskutaraŭ. Ich chutkaje absłuhoŭvańnie i stanie hałoŭnaj metaj budynka.
Fota: People.onliner.by
U budynku «Vieładrajva» abiacajuć sučasny interjer i kompleks pasłuh dla viełasipiedystaŭ. Tam budzie miesca dla zachoŭvańnia rovaraŭ, ramontnaja majsternia, arenda rovaraŭ i ekatranspartu, a taksama krama z aksesuarami i zapčastkami dla rovaraŭ.
Z vulicy buduć arhanizavany akiency dla chutkaha absłuhoŭvańnia viełasipiedystaŭ, a prylehłuju terytoryju dobraŭparadkujuć.
Fota: People.onliner.by
U «Vieładrajvie» taksama płanujuć pravodzić roznyja mierapryjemstvy i majstar-kłasy dla dziaciej, kab raźvić ich cikavaść da aktyŭnaha ładu žyćcia i viełasipiednaj kultury.
Uzvodzić abjekt pačali ŭ hetym miesiacy, spravicca płanujuć za paŭhoda, «kali nadvorje dazvolić vieści raboty».
Čytajcie taksama:
Handlovy dom «Na Niamizie» ŭ Minsku pierabudujuć
U centry Minska znosiać trochpaviarchovik. Tut budzie novy ŭčastak treciaj linii mietro
U Minsku stali raźbirać daŭhabud na Majakoŭskaha. Što tam źbirajucca ŭźvieści