Film pavodle «Čarnobylskaj malitvy» pretenduje na «Oskar»
«Dźviery» («The Door») — debiutnaja režysiorskaja praca pradusarki i aktorki ź Irłandyi Chuanity Uiłsan.
Mastacki film pavodle ramana Śviatłany Aleksijevič «Čarnobylskaja malitva» pazmahajecca za «Oskara» ŭ katehoryi «najlepšy karotkamietražny mastacki film».
«Dźviery» («The Door») — debiutnaja režysiorskaja praca pradusarki i aktorki ź Irłandyi Chuanity Uiłsan. U asnovu siužeta pakładzieny «Manałoh pra cełaje žyćcio, napisany na dźviarach» — historyja z knihi «Čarnobylskaja malitva» Śviatłany Aleksijevič. Hieroj stužki — Mikałaj Kałuhin, u jakoha ad radyjacyi pamiraje dačka. Kab pachavać dziaŭčynku, hieroj vypraŭlajecca ŭ Čarnobylskuju zonu.
Film stvaraŭsia ŭ Prypiaci, za niekalki kiłamietraŭ ad reaktara. U «Dźviarach» ihrajuć aktory Ihar Sihaŭ (Teatr biełaruskaj dramaturhii) i Džuljeta Kazakievič‑Hierynh (maskoŭski teatr Škoła sučasnaj pjesy).
82‑ia cyrymonija ŭručeńnia pryzoŭ amierykanskaj Akademii kinamastactvaŭ adbudziecca 7 sakavika 2010 h. u Halivudzie.
