U Tarasavie pabudujuć kuču kvater. Zaćvierdžany hienpłan

Minski rajonny Saviet deputataŭ 25 kastryčnika zaćvierdziŭ hienieralny płan vioski Tarasava, piša hazieta «Prystaličča».

Płanujecca, što da 2035 hoda kolkaść nasielnictva vyraście ad 2,5 tysiačy čałaviek da 5 tysiač. Vioska budzie razbudoŭvacca. Da 2025 hoda ŭźviaduć 68,2 tys. kv. m žylla, u tym liku siadzibnaha typu — 1,2 tys. kv. m, šmatkvaternaha typu — 67 tys. kv. m (heta kala tysiačy kvater).

Vioski Tarasava i Kamiennaja Horka buduć abjadnanyja ŭ adzin nasieleny punkt — Tarasava. Płošča jaho budzie da 673 hiektaraŭ.

Pabudujuć šerah sacyjalnych abjektaŭ. U Tarasavie da 2035 hoda źjavicca škoła na 500 miescaŭ, dva dziciačyja sady na 150 i 90 miescaŭ, ambułatoryja i apteka.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

4

2

4

1

3

0