Jak časta varta prymać duš? Rajać daktary
Na dumku ekśpiertaŭ, mahčyma, vy zanadta časta prymajecie duš.
Fota: vecteezy
Jak časta treba prymać duš
Zbolšaha zvyčki vašaj asabistaj hihijeny źjaŭlajucca mienavita takimi — asabistymi. Tak, doktarka Mery Styviensan, dacentka kafiedry dermatałohii NYU Langone Health u Ńju-Jorku, śćviardžaje, što častata pryniaćcia duša pavinna zaležać ad šerahu faktaraŭ. Hetyja faktary ŭklučajuć vašu skuru, uzrost i ŭzrovień aktyŭnaści.
Samaja vialikaja prablema, jakaja moža ŭźniknuć u vyniku niedastatkovaha pryniaćcia duša — heta, naturalna, smurod. Niekatoryja ludzi nie vydajuć takoha rezkaha pachu cieła, jak inšyja, tamu z sacyjalnaha punktu hledžańnia jany mohuć daŭžej abychodzicca biez duša. A inšyja mohuć prosta nie adčuć nieabchodnaści mycca pry pieršym źjaŭleńni niepryjemnaha pachu.
Akramia taho zanadta toŭsty płast tłušču na vašaj skury moža schilić vas da falikulitu — infiekcyi vałasianych falikułaŭ. Tut varta nie pierabolšvać u nivodny z bakoŭ, bo zanadta častaje pryniaćcie duša taksama moža vyklikać niekatoryja prablemy. Vy hetak ža možacie zrabić siabie bolš schilnym da infiekcyj, kali praźmierna myjeciesia, bo našaja skura abaroniena niekatorymi sapraŭdy dobrymi naturalnymi bakteryjami, jakich vy zachočacie zachavać. Tak što zvyčajna prymać duš niekalki razoŭ na dzień — nie vielmi dobraja ideja.
Doktar Styviensan prapanuje prymać duš kožnyja dva-try dni. Tym nie mienš, kali vy, naprykład, štodzień vychodzicie na prabiežku ci zajmajeciesia ŭ trenažornaj zali, vam varta mycca vadoj paśla kožnaj treniroŭki. Hałoŭnym tut vystupaje chutčej nie častata, a toje, jak vy myjecie cieła.
Jak myć cieła ŭ dušy
Ludzi, jak praviła, namylvajuć usio cieła, što sapraŭdy nieabaviazkova. Vam nasamreč patrebnyja myła ci hiel-duš u padpachach, pachvinnaj vobłaści i stupniach. Myła razburaje vierchni płast tłušču na vašaj skury, tak zvany skurny barjer, jaki abaraniaje i padtrymlivaje kletki epidermisu ŭvilhotnienymi. Adnak praźmiernaje namylvańnie paŭsiul moža całkam pazbavić hetaha achoŭnaha tłušču i zrabić vašu skuru bolš suchoj, adčuvalnaj i schilnaj da alerhii.
Jašče adna raspaŭsiudžanaja pamyłka — vielmi praciahły i haračy duš, asabliva ŭ chałodny pieryjad času. Heta taksama moža parušyć achoŭny barjer vašaj skury, tamu daktary rekamiendujuć prymać nie haračy, a ciopły duš, pryčym na praciahu nie bolš za try chviliny.
Dermatołahi rajać karystacca srodkami dla adčuvalnaj skury, biez farbavalnikaŭ, vodaraŭ ci aramatyzataraŭ. Taksama možna pryhledziecca da srodkaŭ dla dziaciej, bo zvyčajna dziciačyja tavary raspracoŭvajucca mienavita dla dalikatnaj skury małych. A paśla dušu varta skarystacca srodkami ŭvilhatnieńnia.
Čytajcie taksama:
