Kali ŭ vas novaja mašyna, to možacie zabycca pra kanfidencyjnaść vašych danych
Vaša mašyna špijonić za vami. Kali vaš aŭtamabil byŭ zrobleny ŭ apošnija niekalki hadoŭ, to jon, imavierna, źbiraje takuju kanfidencyjnuju infarmacyju pra vas, jak vaša rasa, vaha i navat seksualnaja aktyŭnaść. A aŭtamabili Volkswagen viedajuć, ci pryšpilenyja vy remieniem biaśpieki i nakolki mocna vy naciskajecie na tarmazy.
Vyjava: veecteezy
Prajekt kampanii Mozilla *Privacy Not Included vyjaviŭ, što ŭsie bujnyja aŭtamabilnyja brendy nie prytrymlivajucca asnoŭnych standartaŭ kanfidencyjnaści i biaśpieki ŭ novych madelach z padklučeńniem da internetu. Usie 25 brendaŭ, jakija Mozilla pravieryła, nie prajšli test arhanizacyi. Tak, kampanija vyjaviła, što samyja roznyja brendy — u tym liku BMW, Ford, Toyota, Tesla i Subaru — źbirajuć danyja ab kiroŭcach, uklučajučy rasu, vyrazy tvaru, vahu, infarmacyju pra zdaroŭje i miesca, dzie vy jedziecie. Zhodna z Mozilla, niekatoryja z pravieranych aŭtamabilaŭ źbirali źviestki, pra jakija vy nikoli nie mahli b i padumać, naprykład, infarmacyju ab seksualnaj aktyŭnaści, rasie i imihracyjnym statusie.
Sučasnyja aŭtamabili vykarystoŭvajuć mnostva instrumientaŭ dla zboru danych, uklučajučy mikrafony, kamiery i telefony, jakija kiroŭcy padklučajuć da svaich aŭtamabilaŭ. Vytvorcy taksama źbirajuć danyja praz svaje mabilnyja prahramy i veb-sajty, a potym mohuć pradavać ich ci dzialicca imi z trecimi asobami.
Najhoršym parušalnikam staŭ Nissan, jak zajaviła Mozilla. Palityka kanfidencyjnaści hetaha aŭtavytvorcy praduhledžvaje, što jon źbiraje infarmacyju, uklučajučy seksualnuju aktyŭnaść, danyja dyjahnostyki zdaroŭja, a taksama hienietyčnyja danyja, choć niama nijakich padrabiaznaściaŭ pra toje, jak mienavita hetyja źviestki źbirajucca. Nissan pakidaje za saboj prava dzialicca i pradavać infarmacyju pra «intaresy, psichałahičnyja asablivaści, schilnaści, pavodziny, adnosiny, intelekt, zdolnaści» brokieram danych, pravaachoŭnym orhanam i inšym trecim asobam. «Kali my źbirajem abo abahulvajem piersanalnyja danyja, to my vykonvajem usie dziejnyja zakony i zabiaśpiečvajem maksimalnuju prazrystaść», — pieradaje słovy pradstaŭnika Nissan vydańnie Gizmodo.
Inšyja brendy vyhladajuć nie našmat lepš. Volkswagen, naprykład, źbiraje infarmacyju ab vašych pavodzinach za rulom, źviazanych z remieniem biaśpieki i tarmažeńniem, i spałučaje heta sa źviestkami pra vašy ŭzrost i poł, u tym liku dla metavaj rekłamy. Palityka pryvatnaści Kia pakidaje za saboj prava kantralavać vaša «seksualnaje žyćcio», a Mercedes-Benz pastaŭlaje aŭtamabili z papiarednie ŭstalavanym u svajoj infarmacyjna-zabaŭlalnaj sistemie servisu TikTok, u jakoha jość svaje surjoznyja prablemy z zachavańniem pryvatnaści.
«BMW NA [BMW of North America] prapanoŭvaje svaim klijentam vyčarpalnyja zaŭvahi ab kanfidencyjnaści danych adnosna zboru ich asabistaj infarmacyi. Dla indyvidualnaha kantrolu BMW NA dazvalaje kiroŭcam transpartnych srodkaŭ rabić detalovy vybar adnosna zboru i apracoŭki ich asabistaj infarmacyi», — paviedamiŭ pres-sakratar BMW. Pry hetym jon dadaŭ, što BMW nie razhladaŭ daśledavańnia, ale, biezumoŭna, «nie pradaje asabistuju infarmacyju svaich klijentaŭ» i prymaje «kompleksnyja miery dla abarony danych svaich klijentaŭ».
Pres-sakratarka Mercedes-Benz Andrea Bierh admoviłasia ad kamientaroŭ, bo kampanija taksama nie razhladała daśledavańnia, ale skazała, što prahrama MercedesMe Connect daje karystalnikam mahčymaść źmianiać nałady pryvatnaści i admaŭlacca ad peŭnych servisaŭ. Inšyja vytvorcy, nazvanyja ŭ hetaj historyi, ź jakimi źviazałasia vydańnie Gizmodo, pakul admovilisia ad kamientaroŭ.
Mozilla zajaviła, što nie zmahła vyznačyć, ci šyfrujuć brendy jakija-niebudź danyja z tych, što jany źbirajuć, i tolki Mercedes-Benz adkazaŭ na pytańni arhanizacyi. Mozilla taksama vyjaviła, što mnohija aŭtamabilnyja brendy zajmajucca «admyvańniem pryvatnaści» abo prapanoŭvajuć spažyŭcam infarmacyju, jakaja śviedčyć ab tym, što im nie treba turbavacca ab prablemach pryvatnaści, u toj čas jak usio jakraz naadvarot.
Mnohija viadučyja aŭtavytvorcy padpisali «Pryncypy abarony pryvatnaści spažyŭcoŭ» «Aljansu za aŭtamabilnyja inavacyi» (Alliance for Automotive Innovation). Ale, pa słovach Mozilla, heta nabor raspłyvistych abiacańniaŭ, jaki ni da čoha nie abaviazvaje i jaki arhanizavany samimi aŭtavytvorcami.
Pytańni vakoł zhody taksama, pa sutnaści, žart. Subaru, naprykład, kaža, što kali vy pasažyr aŭtamabila, to vy ličyciesia «karystalnikam», jaki pa zmoŭčańni daŭ kampanii zhodu na zbor asabistaj infarmacyi. Mozilla zajaviła, što šerah aŭtamabilnych brendaŭ śćviardžaje, što kiroŭcy pavinny infarmavać pasažyraŭ pra palityku kanfidencyjnaści svajoj mašyny, jak byccam hetaja palityka kanfidencyjnaści zrazumiełaja ŭ pieršuju čarhu dla kiroŭcaŭ. Toyota, naprykład, maje suzorje z 12 roznych palityk pryvatnaści dla tych, chto atrymlivaje zadavalnieńnie ad čytańnia jurydyčnych dakumientaŭ.
Čytajcie taksama:
Za miesiac prodaž novych aŭtamabilaŭ u Biełarusi pamienšaŭ na 20%
Toyota zajaŭlaje, što jaje elektramabili nastupnaha pakaleńnia buduć mieć zapas chodu 1000 km
sidia v dušnoj pielmiennoj
a kak ty eto (nie skažu čto) ponimaješ?
nu kak-kak
elemientarno
vsie niemožid povieriť)