Jak za 10 hadoŭ źmianilisia ceny na nieruchomaść u Minsku: paraŭnoŭvajem, što pryniesła najbolšuju vyhadu
Pahladzieli, jak źmianilisia ceny na nieruchomaść i arendu ŭ paraŭnańni z vosieńniu 2013 hoda.
Novabudoŭli ŭ Minsku. Ilustracyjnaje fota: Naša Niva
Ceny na kvatery
Siaredni košt «kvadrata» ŭ Minsku stanam na vierasień biahučaha hoda składaje 1365 dalaraŭ ZŠA. Takija danyja pryvodzić analityka realt.by.
Dziesiać hadoŭ tamu, pierad pieršym napadam Rasii na Ukrainu, 15 vieraśnia 2013 hoda, siaredni košt mietra ŭ stalicy znachodziŭsia na ŭzroŭni $1831. Heta pakazčyki byli blizkija da pikavych. Kali kazać pra «dziasiatyja» ŭ cełym, to pik cen na nieruchomaść pryjšoŭsia na pieršuju pałovu kastryčnika 2013 hoda, kali kvadrat u stalicy ŭ siarednim dachodziŭ da $1841. Absalutny rekord pa cenach na nieruchomaść pryjšoŭsia na vosień 2007 hoda, kali siaredni košt «kvadrata» ŭ Minsku pieravaliŭ za 2 tysiačy dalaraŭ i składaŭ 2011 $/m².
Ahułam za apošnija 10 hadoŭ košt «kvadratu» ŭ stalicy źniziŭsia na 25,5%.
Siarednija ceny na staličnyja kvatery ŭ zaležnaści ad kolkaści pakojaŭ ciapier vyhladajuć tak:
Adnapakajovyja — $54 300
Dvuchpakajovyja — $65 400
Trochpakajovyja — $85 100
Čatyrochpakajovyja — $99 700
Dziesiać hadoŭ tamu paradak cen byŭ zusim inšy:
Adnapakajovyja — $70 000
Dvuchpakajovyja — $98 600
Trochpakajovyja — $135 000
Čatyrochpakajovyja — $166 700
Takim čynam, za 10 hadoŭ adnapakajoŭki zhubili ŭ canie kala 22,5%. Dvuchpakajoŭki — 33%, trochpakajoŭki — 37%, a čatyrochpakajovyja kvatery ŭ siarednim zhubili 40% ad cany 2013 hoda.
Arenda kvater u Minsku
Staŭki na arendu žytła ŭ Minsku 10 hadoŭ tamu taksama byli vyšejšymi za ciapierašnija.
Siaredni košt arendy adnapakajovaj kvatery ŭ mai 2013 hoda składaŭ $340, dvuchpakajovaj — $400, trochpakajovaj — $500.
Praz 10 hadoŭ siarednija staŭki pa arendzie vyhladajuć tak:
1-pakajovyja — $266, 2-pakajovyja — $337, 3-pakajovyja — $ 456.
Kamiercyjnaja nieruchomaść
Dziesiać hadoŭ tamu pikavymi byli nie tolki ceny na žyłuju nieruchomaść, ale i na kamiercyjnuju.
Tak, letam 2013 hoda, siaredniaja cana na kvadrat ofisaŭ V-kłasa ŭ Minsku była na ŭzroŭni 2430 $/m². Ofisy kłasa S u siarednim pradavalisia pa $1866 za kvadrat. U ofisach, jakija tolki budavalisia, ceny byli pa 2146 i 1833 $/m² adpaviedna.
Užo praz 10 hadoŭ košt «mietra» ŭ ofisach V-kłasa składaje $1451, a ŭ pamiaškańniach kłasa S — $1148.
Takim čynam, «ofisny kvadrat» u stalicy za 10 hadoŭ zhubiŭ u siarednim kala 40% ad koštu ŭ 2013, što supastaŭna sa źnižeńniem cen na čatyrochpakajovyja kvatery.
U pytańniach arendy ŭ 2013 hodzie my dajšli da taho, što pa canie arendy ofisnych pamiaškańniaŭ kvartał u centry Minska ŭvajšoŭ u tryccatku samych darahich u śviecie.
Siaredni košt arendy 1m² z PDV u 2013 hodzie ŭ stalicy vyhladaŭ tak.
Ofisy A kłasu — 41€/m², V+ — 22€/m², V — 21.1€/m² S — 16,9€/m².
A voś tak siarednija staŭki vyhladajuć sioleta:
Ofisy A kłasu — 19,5€/m², V+ — 12,4€/m², V — 9,2€/m², S — 7,2€/m².
Arendnyja staŭki za hety čas źnizilisia pryblizna ŭ 2 razy.
Čytajcie taksama:
Samuju darahuju kvateru ŭ žniŭni pradali ŭ domie Čyža. Voś jak jana vyhladaje
Ceny rastuć, a kolkaść ździełak nabližajecca da rekordu. Što adbyvajecca na rynku žylla i jak novy ŭkaz Łukašenki adabjecca na im
Redkaja prapanova. U «tych samych» Drazdach na prodaž vystavili katedž. Voś jak jon vyhladaje
