Z-za niepahadzi ŭ Biełarusi zatrymlivajucca ciahniki, niekatoryja na dźvie hadziny
Siońnia z-za dreŭ, jakija ŭpali na čyhunačnyja kalainy i linii elektrapieradač padčas navalnicy z mocnym vietram, ciahniki na niekatorych napramkach zatrymlivalisia.
BČ paviedamlała ab prablemach na ŭčastkach Orša — Kryčaŭ, Mahiloŭ — Kryčaŭ, Viciebsk — Orša, Jeziaryšča — Viciebsk, Połack — Maładziečna i Baranavičy — Minsk. Ciahniki mahli adchilacca ad hrafika da adnoj hadziny.
A voś ciahnik №721 Maskva — Minsk, jaki adpraŭlaŭsia z Maskvy ŭ 16:00, praz składanyja ŭmovy nadvorja ŭ Rasii dajechaŭ da Biełarusi sa spaźnieńniem na 1 hadzinu i 46 chvilin. Čakajecca, što jon prybudzie ŭ Minsk u 00:45 zamiest 23:01, paviedamlaje pres-słužba BČ.
Čytajcie taksama:
Z-za niepahadzi adklučylisia elektrapadstancyi ŭ technaparku i aeraporcie
U Minsku ad udaru małanki zaharełasia dreva, a ŭ Vilejskim rajonie ad niepahadzi zahinuŭ čałaviek
