Hienry Kisindžeru spoŭniłasia 100 hadoŭ
Jon pieražyŭ mnostva palitykaŭ, ź jakimi sustrakaŭsia.
Hienry Kisindžer. Fota: AP
Hienry Kisindžer (Chajnc Alfred Kisinhier) naradziŭsia 27 maja 1923 hoda ŭ Bavaryi. U 1938 hodzie siamja, ratujučysia ad nacystaŭ, pierajechała ŭ ZŠA. Svajaki, što zastalisia ŭ Niamieččynie, zahinuli ŭ połymi Chałakostu.
Hienry Kisindžer zajmaŭ pasadu daradcy pa nacyjanalnaj biaśpiecy ZŠA ŭ 1969-75 hadach i dziaržaŭnaha sakratara ZŠA z 1973 pa 1977 hod.
U 1973 hodzie jon byŭ uhanaravany Nobieleŭskaj premijaj miru z farmuloŭkaj «u znak pryznańnia zasłuh u suviazi ź pieramirjem u Vjetnamie». Razam z Kisindžeram premiju atrymaŭ vjetnamski dypłamat Le Dyk Tcho, adnak jon admoviŭsia ad jaje, zajaviŭšy, što vjetnamskaja vajna na toj momant jašče nie skončana.
Kisindžer viadomy jak inicyjatar palityki razradki ŭ adnosinach ZŠA i Savieckaha Sajuza, jon taksama adyhraŭ rolu ŭ praryŭnym palapšeńni adnosin ZŠA z Kitajem u 1970-ja hady.
Razam z tym Kisindžera abvinavačvali ŭ padtrymcy dyktatarskich režymaŭ u krainach Łacinskaj Amieryki i ŭ dyvanovych bambardziroŭkach Kambodžy.
