Uźjadnalny ARCHE
Vyjšaŭ vośmy numar časopisa ARCHE za 2009 hod.
Vyjšaŭ vośmy numar časopisa ARCHE za 2009 hod, jon pryśviečany 70‑ci hodździu vieraśnioŭskich padziej 1939‑ha.
U jaho ŭvajšli teksty, datyčnyja historyi Zachodniaj Biełarusi, padziej vieraśnia 1939‑ha hoda, a taksama inšyja cikavyja materyjały z historyi polska‑biełaruskich stasunkaŭ. Aŭtarami novaha numaru stali A.Čarniakievič, A.Paškievič, S.Tokć, A.Pačobut i inš. Jon bahata ilustravany, što nie moža nie dadać časopisu cikavaści.
Jak adznačyŭ u pradmovie da numaru Andrej Vaškievič, «małanki vialikaj mižnarodnaj palityki bliskajuć nad nami, ale ŭ Biełarusi chiba tolki kožny dziesiaty zmoža dać adkaz na pytańnie, što adbyłosia 17 vieraśnia 1939 h. U 2009‑ym, u adroźnińnie ad 1999‑ha, nie budzie na vulicach kalarovych płakataŭ z čyrvonaarmiejcam i sielaninam. Toje, mabyć, dobra. Ale zabyvacca ab dalokim vieraśni nikomu z nas, biełarusaŭ, nielha».
Novy numar časopisa vykliča chvalu vodhukaŭ. Heta niesumnienna.
Bo luboje abmierkavańnie Zachodniaj Biełarusi i jaje roli ŭ farmavańni sučasnaj biełaruskaj nacyi vyklikaje škvał kamientaroŭ. Heta jak uvasableńnie padziełu na zachodnikaŭ i ŭschodnikaŭ. Toje, što nas niekali abjadnała ŭ adnoj sacyjalistyčnaj i prarasiejskaj Biełarusi, siońnia zdolnaje padzialić u niezaležnaj.
