Doktarka Kačan: U nas niama epidemii hrypu A/N1N1
U Biełarusi niama epidemii hrypu A/N1N1, zajaviła 1 listapada žurnalistam namieśnik ministra achovy zdaroŭja — hałoŭny dziaržaŭny sanitarny lekar Biełarusi Valancina Kačan, pieradaje karespandent BIEŁTA.
«Niama pryčyn dla paniki ŭ suviazi sa śvinym hrypam, u našaj krainie epidemii hetaha zachvorvańnia niama», — padkreśliła Valancina Kačan.
U toj ža čas jana paviedamiła, što kolkaść vypadkaŭ zachvorvańnia na hryp A/N1N1 u Biełarusi pavialičyłasia. Kali ŭ minułuju piatnicu było łabaratorna paćvierdžana 39 takich vypadkaŭ, to na 1 listapada heta kolkaść składaje 59. «Razmova idzie ab takich vypadkach, u jakich hety virus supravadžajecca inšaj infiekcyjaj, — adznačyła namieśnik ministra. — Latalnych vypadkaŭ ad pandemičnaha śvinoha hrypu ŭ Biełarusi nie zarehistravana».
Valancina Kačan asabliva padkreśliła, što ŭsie miery pa praduchileńniu raspaŭsiudžvańnia ŭ Biełarusi hrypu A/N1N1 raspracoŭvalisia jašče pačynajučy z krasavika,
kali ŭpieršyniu źjaviłasia infarmacyja ab novym virusie ŭ respublicy. «Tyja miery, jakija byli napracavany, spracoŭvajuć, — skazała jana. — Niama nieabchodnaści panikavać, pakul što razmova nie idzie ab jakich‑niebudź žorstkich mierach pa praduchileńniu raspaŭsiudžvańnia śvinoha hrypu, u tym liku masačnym režymie i h.d.» Apteki i lačebna‑prafiłaktyčnyja ŭstanovy zabiaśpiečany prafiłaktyčnymi i miedykamientoznymi srodkami. «Pryjemna, što adnym z bolš efiektyŭnych srodkaŭ baraćby ź virusnymi zachvorvańniami staŭ ajčynny srodak «Arpietoł», — adznačyła Valancina Kačan. — My rekamiendujem jaho jak dla prafiłaktyki, tak i dla lačeńnia ŭskładnieńniaŭ».
U Biełarusi «idzie źmiešanaja infiekcyja». Śpiecyjalisty Ministerstva achovy zdaroŭja adsočvajuć usie tyja virusy, jakija cyrkulujuć u Biełarusi. «Na hryp A prypadaje kala 10 pracentaŭ — u asnoŭnym adenavirusnyja i paravirusnyja infiekcyi», — udakładniła Valancina Kačan.
Namieśnik ministra vykazała ŭpeŭnienaść u tym, što raźvićciu epidemijałahičnaha pracesu ŭ Biełarusi va ŭmieranym režymie buduć sadziejničać i vyniki vakcynacyi, jakaja ciapier zaviaršajecca. «Jana daść svoj efiekt, my pierakanany, što heta dapamoža praduchilić jakija‑niebudź surjoznyja ŭskładnieńni, a taksama budzie sadziejničać raźvićciu epidemijałahičnaj situacyi va ŭmieranym režymie», — skazała Valancina Kačan.
