Połk Kalinoŭskaha patłumačyŭ pryčyny zvalnieńnia «Varaha»
Učora stała viadoma, što rašeńniem kamandavańnia voinskaj častki USU kamandzir bataljona «Teror» z pazyŭnym «Varah» byŭ zvolnieny. Taksama bajcy, jakija nie pahadzilisia z hetym rašeńniem, byli adasobleny ad Pałka z zachavańniem za saboj nazvy padraździaleńnia «Teror». Pra pryčyny zvalnieńnia bajca «Našaj Nivie» raskazali ŭ pres-słužbie Pałka.
«Bajec z pazyŭnym «Varah» (Aleh Vasiljeŭ — NN) byŭ zvolnieny z Uzbrojenych sił Ukrainy z-za dyscyplinarnych parušeńniaŭ. Častka vajaroŭ bataljona «Teror» vyrašyła zastacca ź im — jany byli niazhodnyja, što jaho zvolnili z-za hetych parušeńniaŭ.
Kankretnaje parušeńnie ź jaho boku — prymianieńnie hvałtu ŭ dačynieńni da bajcoŭ z-za asabistych nieparazumieńniaŭ.
Rašeńnie ab jaho zvalnieńni prymała taja častka kiraŭnictva USU, jakoj naš Połk padparadkoŭvajecca. Połk taksama nie padtrymlivaje takich pavodzin», — adkazali ŭ pres-słužbie.
Zvolnieny «Varah» byŭ adnym z hałoŭnych dziejnych asobaŭ u niadaŭnim kanflikcie z udziełam taksama ŭžo byłoha bajca Pałka Paŭła Kułažanki — mienavita «Varah» jaho «vučyŭ».
Čytajcie taksama:
U Vaźniasiensku Mikałajeŭskaj vobłaści rakieta trapiła ŭ žyły piacipaviarchovy dom
«Rasija ŭznačalvaje praces vyvadu z dehradacyi». Rasijskaja Jarmošyna pryjšła da Pucina z broškaj u vyhladzie litary Z FOTAFAKT
Na Chryščaciku budzie parad rasijskaj vajskovaj techniki. Ale jość niuans
nu požałujsta razubieditie mienia v etom mojem vidienii