Jak i čym čyścić bieły abutak? Łajfchaki na leta
Biełyja krasoŭki i kiedy — papularny vybar dla leta. Ale voś biada: na takim abutku vielmi chutka pačynaje źjaŭlacca brudny nalot. Raskazvajem pra toje, jak z hetym zmahacca.
Fota: pixabay.com
Spačatku pasprabujem vyčyścić našy krasoŭki chatnimi srodkami. Možna pasprabavać pamyć abutak u pralnaj mašynie, tolki nie zabudźcie pierad hetym pakłaści jaho ŭ adpaviedny miašok dla myćcia. Krasoŭki zvyčajna dobra pieranosiać hetuju praceduru, ale voś inšy bieły abutak lepiej nie kłaści ŭ pralnuju mašynu, piša aniaradzi.pl.
Ale vy možacie pasprabavać vyčyścić svoj abutak uručnuju. Padrychtujcie haspadarčaje myła (lepš vadkaje, bo jano nie pakidaje śladoŭ) i ciopłuju vadu. Možna namačyć abutak u mylnaj vadzie i pacierci jaho ščotkaj — jak humavuju častku, tak i vierch abutku. Dla ciažkadastupnych miescaŭ vykarystoŭvajcie zubnuju ščotku.
Humavyja častki spartovaha abutku možna adbialić z dapamohaj charčovaj sody. Prosta źmiašajcie jaje z vadoj, utrycie tkaninaj hatovuju pastu ŭ abutak i pakińcie jaje vysychać. Potym možna budzie prosta streści čaścinki sody z abutku.
U vypadku sa skuranym abutkam taksama možna vykarystać haspadarčaje myła. Vaźmicie vielmi miakkuju tkaninu — lepiej za ŭsio padydzie mikrafibra — i zusim troški namačycie jaje mylnaj vadoj. Pratrycie abutak, kab prybrać ź jaho zasochły brud, i potym pratrycie boty tkaninaj, namočanaj čystaj vadoj.
Kali na abutku vialikija plamy, možna pasprabavać nanieści trochi vadkaha myła niepasredna na plamu i trochi pacierci jaho tkaninaj, a potym staranna pracierci pavierchniu abutku mokraj tkaninaj.
Skurany abutak možna lohka pierasušyć ci sapsavać praz upłyŭ vady, i ŭ takim vypadku materyjał moža pačać treskacca i adsłojvacca. Tamu lepš źviarnucca da prafiesijnych srodkaŭ, tym bolš što ŭ mahazinach lohka znajści srodki dla čystki skury. Niekatoryja ź ich varta vykarystoŭvać i paśla ačyščeńnia abutku chatnimi mietadami, kab daŭžej zachavać jaho pryhožym.
Žar, nie stieśniajsia. nu vsie ž tak diełajut)