Biełaruski apieratar «Družby» adnaviŭ prapampoŭku nafty ŭ Polšču
Biełaruski apieratar trubapravoda «Družba» adnaviŭ prapampoŭku nafty z Rasii ŭ Polšču pa mahistralnym naftapravodzie ad Mazyra da Bresta, paviedamiŭ sajt kampanii AAT «Homieltransnafta Družba».
«Mahistralny naftapravod Mazyr — Brest pracuje ŭ štatnym režymie», — havorycca ŭ paviedamleńni.
Taksama adznačajecca, što ŭ pieryjad z 8 pa 13 červienia ŭ ramkach ramontu zamienieny ŭčastak mahistralnaha naftapravoda Mazyr — Brest daŭžynioj 250 m, praviedzieny ramont i absłuhoŭvańnie zasavak na naftapierapracoŭčych stancyjach i liniejnaj častcy naftapravoda. Raboty vialisia va ŭmovach płanavaha spynieńnia pierapampoŭki syraviny.
Naftapravod «Družba» zabiaśpiečvaje pastaŭki rasijskaj nafty na biełaruskija naftapierapracoŭčyja zavody, a taksama jaje tranzit u Jeŭropu.