Lavon Chałatran budzie adbyvać chimiju ŭ Kamianieckim rajonie
Siońnia Lavon atrymaŭ nakiravańnie dla adbyćcia pakarańnia va ŭstanovu adkrytaha typu (t.zv. chimiju). U niadzielu jon pavinien prybyć u viosku Suški, što ŭ Kamianieckim rajonie.
Fota Nadziei Bužan
— Bolš za ŭsio ja budu sumavać pa svajoj siamji, asabliva pa synie, adbirać u dziaciej baćkoŭ — heta žorstka i niedaravalna. Ale ŭśviedamleńnie ŭłasnaj pravaści nadaje sił. Usim dabra i lubovi! — kaža Lavon.
Na chimii Lavon praviadzie hod.
Vałanciora štaba Babaryki Lavona Chałatrana asudzili pavodle artykuła 341 č. 1 KK «Arhanizacyja albo padrychtoŭka hrupavych dziejańniaŭ, jakija hruba parušajuć hramadski paradak».
Pavodle abvinavačvańnia, u noč vybaraŭ na 10 žniŭnia Chałatran udzielničaŭ u biesparadkach u rajonie vulic Bahdanoviča i praśpiekta Mašerava. Sam Chałatran kaža, što prosta vyjšaŭ sa štaba prahulacca.