U Litvie zatrymanyja jašče 15 nielehalnych mihrantaŭ ź Biełarusi
U Litvie 11 červienia zatrymanyja jašče 15 nielehalnych mihrantaŭ, paviedamlaje Delfi sa spasyłkaj na pradstaŭnika Słužby achovy dziaržmiažy (SADM).
Delfi.lt
«Ranicaj u Ihnalinskim rajonie byli zatrymanyja dźvie hrupy: u adnoj — šeść, u druhoj — dzieviać čałaviek», — skazaŭ pradstaŭnik SADM Hiedrus Mišucis. Zaraz vyśviatlajuć, hramadzianami jakoj krainy źjaŭlajucca hetyja mihranty.
Z-za ŭzrosłaj kolkaści nielehalnych mihrantaŭ ź Biełarusi, usie miescy ŭ centry rehistracyi biežancaŭ (CRB) zapoŭnienyja. U Litvie dla nielehalnych mihrantaŭ płanujuć raźbić namiotavy haradok.
U CRB ciapier znachodziacca 160 zamiežnikaŭ. Pavodle źviestak SADM, za piać miesiacaŭ hetaha hoda ź Biełarusi ŭ Litvu niezakonna pryjšli 312 mihrantaŭ, u asnoŭnym heta hramadzianie Iraka (heta ŭ 3,5 razu bolš, čym za ŭvieś 2020 hod).
Čytajcie taksama:
Za sutki na miažy Litvy i Biełarusi zatrymanyja 52 nielehalnyja mihranty. Pieravažna ź Siryi i Iraka
Nielehały šturmujuć biełaruska-polskuju miažu. Za 2021 hod ich stała bolš u 4 razy
Kiraŭnik MUS Litvy: Suprać nas Biełaruś viadzie hibrydnuju vajnu
