«Sputnik Łajt» pastaviać u Minsk u kancy červienia
U Minsk pastaŭki łajt-viersii rasijskaj vakcyny «Sputnik V» čakajucca ŭ kancy červienia.
Pra heta «Minsk-Navinam» paviedamiła staršynia kamiteta pa achovie zdaroŭja Minharvykankama Žanna Kazačonak.
— Ciapier va ŭstanovach achovy zdaroŭja, jak u paliklinikach, tak i ŭ Haradskim centry vakcynaprafiłaktyki, znachodziacca ŭ dastatkovaj kolkaści vakcyny ad karanavirusa — «Sputnik V» i kitajskaja Vero Cell ad karparacyi «Sinafarm», — adznačyła Kazačonak.
«Sputnik Łajt» — adnakampanientnaja vakcyna, h. zn. dastatkova adnaho ŭkołu. Da hetaha adzinaj zarehistravanaj adnakampanientnaj vakcynaj była raspracoŭka amierykanskaj kampanii Johnson & Johnson.
Mahčyma, chutka da maštabnaj pryščepačnaj kampanii padklučacca pryvatniki.
— Ciapier my viadziom dyjałoh z pryvatnymi miedycynskimi centrami, jakija hatovyja nam padstavić plačo i dapamahčy z vakcynacyjaj ad karanavirusa, — patłumačyła Žanna Kazačonak.
