Bajden vyrašyŭ nie sustrakacca ź Zialenskim da Pucina
Krynica ŭ Administracyi prezidenta ZŠA Džo Bajdena paviedamiła, što kiraŭnik Biełaha doma nie budzie sustrakacca z prezidentam Ukrainy da samitu, dzie Bajden praviadzie pieramovy z Uładzimiram Pucinym.
Pra heta paviedamlaje lenta.ru sa spasyłkaj na Axios.
Sustreča Bajdena i Pucina projdzie 16 červienia ŭ Ženievie. Pa słovach surazmoŭcy Axios, Vašynhton sapraŭdy razhladaŭ varyjant zaprasić prezidenta Ukrainy da pieramoŭ na budučym samicie. Adnak paśla, adznačaje partał, u administracyi Biełaha doma admovilisia prasoŭvać hetuju sustreču z-za rašeńnia Zialenskaha źmianić kiraŭnictva dziaržaŭnaj enierhietyčnaj kampanii «Naftahaz», paličyŭšy hetaje rašeńnie admovaj Ukrainy zmahacca z karupcyjaj.
U intervju z Axios prezident Ukrainy zajaviŭ, što hatovy sustrecca z kaleham z ZŠA da rasijska-amierykanskaha samitu. Pa słovach Zialenskaha, kansultacyi varta było b pravieści tet-a-tet, bo mnohija rečy nielha abmierkavać pa telefonie.