U Biełarusi zarehistravana vakcyna «Sputnik Łajt»
U Biełarusi zarehistravana vakcyna «Sputnik Łajt», paviedamili ŭ pres-słužbie Ministerstva achovy zdaroŭja.
«Na padstavie rašeńnia kamisii pa lekavych srodkach Ministerstva achovy zdaroŭja 3 červienia pryniata rašeńnie ab dziaržaŭnaj rehistracyi vakcyny «Sputnik Łajt», — raskazali ŭ pres-słužbie.
U Ministerstvie achovy zdaroŭja rastłumačyli, što heta viektarnaja vakcyna dla prafiłaktyki karanavirusnaj infiekcyi, vyklikanaj virusam SARS-CoV-2. Trymalnik rehistracyjnaha daśje lekavaha preparatu — FDBU NDCEM imia N.F. Hamalei Ministerstva achovy zdaroŭja Rasii. Termin dziejańnia dziaržaŭnaj rehistracyi składaje 1 hod.
U adpaviednaści z zahadam Ministerstva achovy zdaroŭja ekśpierty Centra ekśpiertyz i vyprabavańniaŭ u achovie zdaroŭja, viadučyja infiekcyjanisty respubliki i supracoŭniki respublikanskich navukova-praktyčnych centraŭ praviali acenku materyjałaŭ rehistracyjnaha daśje. «Pradstaŭlenyja ŭ materyjałach daśje dakumienty ŭklučajuć dastatkovuju infarmacyju, jakaja dazvalaje acanić pakazčyki biaśpieki, efiektyŭnaści i jakaści preparatu», — adznačyli ŭ pres-słužbie.
Vakcyna «Sputnik Łajt» — adnadozavaja vakcyna, jakaja stvaraje śpiecyfičny kletačny i humaralny imunitet da virusa SARS CoV-2. Paramietry imunahiennaści vakcyny dajuć mahčymaść sfarmiravać dastatkovy imunny adkaz na 28-y dzień paśla pryščepki. Najbolš vyjaŭleny imunny adkaz i, adpaviedna, efiektyŭnaść prymianieńnia hetaj vakcyny budzie ŭ ludziej z papiarednim imunitetam da COVID-19. U čas pieršych faz kliničnych daśledavańniaŭ było pakazana, što ŭ ludziej, jakija majuć antycieły paśla pieraniesienaj infiekcyi COVID-19, u tym liku ŭ bieśsimptomnaj formie, adbyvajecca istotnaje narastańnie citraŭ antycieł na 10-y dzień paśla pryščepki vakcynaj «Sputnik Łajt».
U Ministerstvie achovy zdaroŭja dadali, što profil biaśpieki vakcyny «Sputnik Łajt» — standartny dla hetaha typu viektarnych vakcyn. Vakcyna zasnavana na viektary adenavirusa 26 typu, heta značyć uklučaje ŭ siabie pieršy kampanient viadomaj i šyroka prymianiajemaj vakcyny «Sputnik V». Pryncypova važna toje, što prymianieńnie vakcyny dazvolić pašyryć abjom vakcynacyi i adkazać na vysoki zapyt u hramadstvie na imunnuju achovu ad COVID-19, a taksama vakcynavać ludziej, jakija pieranieśli ŭžo COVID-19.
