«Biełavija» arhanizoŭvaje evakuacyjnyja rejsy z Ałbanii, Tunisa i Čarnahoryi
«U suviazi z zakryćciom pavietranaj prastory jeŭrapiejskich krain šerahu krain turystyčnyja ahienty sumiesna z «Biełavija» arhanizoŭvajuć evakuacyjnyja rejsy z Ałbanii, Tunisa i Čarnahoryi pa skarekciravanych maršrutach u abychod zakrytych terytoryj», — havorycca ŭ paviedamleńni kampanii.
BiełTA
1 červienia dvuma rejsami z Enfidy (Tunis) byli dastaŭlenyja ŭ Biełaruś 346 pasažyraŭ. U najbližejšyja dni zapłanavanyja jašče dva rejsy z Tunisa, kab vyvieźci bolš za 300 čałaviekA
Evakuacyjny rejs ź Civata (Čarnahoryja) ažyćciavili 2 červienia, dziakujučy čamu zmahli dabracca dadomu 189 pasažyraŭ. Taksama ŭ hety dzień adbyŭsia rejs z Tyrany (Ałbanija) — byli vyviezienyja 168 pasažyraŭ.
«My taksama prapracoŭvajem usie mahčymyja varyjanty, kab vyvieźci hramadzian z Kipra. «Biełavija» robić usio mahčymaje, kab dapamahčy svaim pasažyram i klijentam turystyčnych ahienctvaŭ viarnucca dadomu. Prynosim svaje prabačeńni za situacyju, jakaja skłałasia, na jakuju my ciapier nie ŭ siłach paŭpłyvać», - adznačyli ŭ kampani.
