Patrabavańni Erdahana pryviali da źnižeńnia tureckaj liry
Prezident Turcyi Redžep Taip Erdahan znoŭ zaklikaŭ da źnižeńnia kredytnych stavak, što pryviało da źnižeńnia kursu tureckaj liry ŭ dačynieńni da dalara.
Kiraŭnik respubliki ŭzmacniŭ cisk na kiraŭnika centralnaha banka, patrabujučy źmiakčyć palityku nasupierak vysokaj inflacyi.
«Siońnia ja razmaŭlaŭ z kiraŭnikom Centrabanka. Źnižeńnie pracentnych stavak abaviazkova. Prykładna da lipienia i žniŭnia staŭki mohuć pačać apuskacca», — skazaŭ Erdahan u intervju dziaržaŭnamu TRT.
Zajavy Erdahana prahučali poźnim viečaram u aŭtorak, 1 červienia, a ŭžo ŭ sieradu, 2 červienia, tureckaja valuta na hetym fonie straciła prykładna try pracenty: za dalar davali 8,8 liry, piša lenta.ru.
Bloomberg adznačaje, što Erdahan prytrymlivajecca «nieardynarnych» pohladaŭ na toje, što bolš nizkija staŭki kredytavańnia dapamohuć strymać inflacyju: takaja pazicyja supiarečyć acenkam bolšaści centralnych bankaŭ u śviecie.
Siarod valut novych rynkaŭ lira sioleta adčuvaje siabie horš za astatnija. U sakaviku tureckaja valuta abvaliłasia amal da histaryčnaha minimumu paśla taho, jak Erdahan zvolniŭ kiraŭnika centralnaha banka Nadžy Ahbału paśla pavyšeńnia klučavoj staŭki. Novym staršynioj staŭ Sachap Kavcyahłu, jaki vystupaŭ suprać takoj palityki.
