U Hrodnie troch fihurantaŭ «spravy Cichanoŭskaha» asudzili na terminy ad 2 da 4 hadoŭ kałonii
U sudzie Kastryčnickaha rajona Hrodna z 18 studzienia razhladali kryminalnuju spravu suprać traich fihurantaŭ «spravy Cichanoŭskaha», jakich zatrymali na vybarčym pikiecie 29 maja minułaha hoda ŭ Hrodnie, paviedamlajuć pravaabaroncy.
U Hrodnie vynieśli prysudy fihurantam «spravy Cichanoŭskaha». Dźmitryja Furmanava, Jaŭhiena Raźničenku i Uładzimira Knihu abvinavačvali ŭ aktyŭnym udziele ŭ dziejańniach, jakija hruba parušajuć hramadski paradak 29 maja ŭ Hrodnie (č.1 art. 342 KK). Akramia hetaha, Raźničenku i Knihu abvinavačvali ŭ hvałtoŭnych dziejańniach u dačynieńni da milicyjantaŭ (art. 364 KK).
Sudździa Volha Biekušava pakarała Dźmitryja Furmanava — dvuma hadami kałonii va ŭmovach ahulnaha režymu, Jaŭhiena Raźničenku — tryma z pałovaj hadami kałonii va ŭmovach ahulnaha režymu, Uładzimira Knihu — čatyrma hadami kałonii strohaha režymu.
Mienavita takoje pakarańnie zaprasiŭ prakuror Mikita Myśliviec. Taksama sud abaviazaŭ Raźničenku i Knihu vypłacić paciarpiełym učastkovym Kazłoŭskamu i Chvaleniu pa 1000 rubloŭ maralnaj škody.