Pasoł Rasii: Maskva nie akazvaje cisku na Minsk u spravie Safii Sapiehi
Pasoł Rasii ŭ Biełarusi Jaŭhien Łukjanaŭ zajaviŭ, što ŭ situacyi z zatrymańniem u Minsku 23 maja rasijanki Safii Sapiehi i śledčymi dziejańniami rasijski bok nijakaha cisku na biełaruskija ŭłady nie akazvaje, piša TASS.
«Iduć śledčyja dziejańni, my čakajem ich zaviaršeńnia i farmulavańnia abvinavačvańnia pa vynikach śledčych dziejańniaŭ, — skazaŭ pasoł žurnalistam u aŭtorak. — Na dziejańni ŭładaŭ Biełarusi ŭ hetym kantekście my nijakaha cisku nie akazvajem, my vykonvajem našy paŭnamoctvy ŭ ramkach konsulskaj kanviencyi i budziem praciahvać heta rabić».
Dypłamat adznačyŭ, što, nakolki viadoma z kantaktaŭ rasijskich konsułaŭ i pavodle infarmacyi advakataŭ Sapiehi, jana «adčuvaje siabie dobra, umovy jaje ŭtrymańnia adekvatnyja, choć zrazumieła, što znachodžańnie ŭ śledčym izalatary vialikaj radaści nikomu nie dastaŭlaje».
«Jak buduć raźvivacca padziei dalej, dumaju, my daviedajemsia najbližejšym časam», — skazaŭ pasoł.
