Eryk Kłeptan paskardziŭsia na «katastrafičnyja nastupstvy» paśla vakcyny ad AstraZeneca
Brytanski rok-muzykant Eryk Kłeptan padzialiŭsia «katastrafičnymi» nastupstvami pryščepki ad karanavirusa AstraZeneca. U liście italjanskamu architektaru Robinu Manaci Hracyjadeju, jaki toj z dazvołu artysta apublikavaŭ u svaim telehramie, jon paskardziŭsia na prapahandu, jakaja nibyta pierabolšvaje biaśpieku vakcyny, piša lenta.ru.
Časopis Rolling Stone paćvierdziŭ, što apublikavany architektaram list byŭ napisany Kłeptanam. U im muzyka raspavioŭ, što atrymaŭ pieršy ŭkoł AstraZeneca ŭ lutym. «Nastupnyja dziesiać dzion u mianie nazirałasia vostraja reakcyja», — zajaviŭ jon.
Muzyka adznačyŭ, što praz šeść tydniaŭ jamu zrabili druhuju pryščepku.
«Reakcyi byli katastrafičnymi. Maje ruki to mierźli, to ničoha nie adčuvali, to hareli, i kala dvuch tydniaŭ ad ich nijakaha tołku nie było.
Ja bajaŭsia, što nikoli bolš nie budu hrać (ja pakutuju na pieryfieryčnuju nieŭrapatyju i naohuł nie pavinien byŭ nabližacca da ihołki). Ale prapahanda zajaviła, što vakcyna biaśpiečnaja dla ŭsich», — napisaŭ artyst.