«Miarzotnaja chłuśnia va ŭsich śfierach žyćcia»: Čubajs patłumačyŭ pryčynu nianaviści da savieckaj ułady
Śpiecpradstaŭnik prezidenta Rasii pa suviaziach ź mižnarodnymi arhanizacyjami, były vice-premjer i eks-kiraŭnik Administracyi prezidenta Anatol Čubajs u intervju žurnalistu Viktaru Łašaku patłumačyŭ pryčyny svajoj «nianaviści da savieckaj ułady», piša RBK.
Anatol Čubajs naradziŭsia ŭ 1955 hodzie ŭ Barysavie ŭ siamji vajskoŭca, ale chutka siamja pierajechała va Ukrainu. Fota TASS
Poźniaja savieckaja ŭłada — heta 18 hadoŭ «brežnieŭskaha zastoju», jakija źmianiła «honka na katafałkach», zajaviŭ Čubajs.
«Ranicaj uklučaješ radyjo i čuješ radasny hołas: «Dobry dzień, dzieci! Pijanierskaja zorka». <…> Ale voś heta miarzotnaja chłuśnia ź pieršaha da apošniaha słova. 100% taho, što ty bačyš, čuješ, razumieješ, čytaješ, źjaŭlajecca chłuśnioj. I ŭsie vydatna razumiejuć, što heta chłuśnia. Jano tak zaviedziena», — skazaŭ jon.
Pa słovach Čubajsa, takaja chłuśnia była va ŭsich śfierach žyćcia SSSR — u navinach, schodach pracoŭnych abo pieršamajskich demanstracyjach — i čym dalej, tym pryvodziła da bolšaj «ahidy».
«Voś tak pryniata chłusić, usim treba chłusić, i ŭ hetaj chłuśni, kali łaska, žyvi», — zajaviŭ jon.
