Pad Smalenskam sutyknulisia fura i mikraaŭtobus — paciarpieli 13 biełarusaŭ
Pasažyrski mikraaŭtobus, jaki pieravoziŭ hramadzian Biełarusi, sutyknuŭsia z hruzavikom na trasie M-1 u Safonaŭskim rajonie Smalenskaj vobłaści. U vyniku špitalizavali 13 čałaviek, adzin ź ich — u vielmi ciažkim stanie.
«Siońnia ranicaj u Safonaŭskim rajonie na 298 km [trasy] M-1 «Biełaruś» adbyłosia darožna-transpartnaje zdareńnie z udziełam pasažyrskaha mikraaŭtobusa, u jakim znachodzilisia 20 čałaviek. Pa papiarednich źviestkach, u vyniku DTZ paciarpieli i špitalizavanyja 13 čałaviek. Usie jany hramadzianie Respubliki Biełaruś», — piša TASS.
Jak udakładniajecca, stan dziesiaci paciarpiełych aceńvajecca jak siaredniaj ciažkaści, dvoje — u ciažkim stanie, adzin — u vielmi ciažkim.
Tut.by dadaje, što fura była z rehistracyjnymi znakami Hrodzienskaj vobłaści, a mikraaŭtobus — ź minskaj rehistracyjaj.