Šviedskaja kampanija stvaryła rabatyzavanuju palčatku, jakaja pavialičvaje siłu na 20%
Praca, jakaja patrabuje fizičnaj siły, moža pryvieści da chraničnych traŭmaŭ. Adnak šviedski stratap Bioservo znajšoŭ rašeńnie.
Fota CNN
Kampanija stvaryła palčatku Ironhand, jakaja pracuje na batarejkach i dapamahaje rabočym zdymać napružańnie. Bolš za toje, technałohija moža pavialičvać siłu ruk uładalnika na 20%, piša CNN.
Raspracoŭščyki apisvajuć palčatku jak miakki ekzaškilet. Ekzaškilety padtrymlivajuć i abaraniajuć cieła, a taksama časta pavialičvajuć siłu ŭładalnika. Adnak bolšaść z ekzaškiletaŭ majuć ćviorduju strukturu, a technałohija ad Bioservo vyhladaje jak zvyčajnaja palčatka, tamu miakkaja navobmacak.
Sistema składajecca z zaplečnika, u jakim raźmieščany błok siłkavańnia i štučnyja suchažylli, złučanyja z palčatkaj. Na kožnym palcy jość datčyki, jakija zapuskajuć sistemu, kali karystalnik biare pradmiet. Dla rehulavańnia siły možna vykarystoŭvać admysłovy pult abo mabilnuju prahramu.
Ironhand kaštuje 6 tysiač jeŭra. Technałohija taksama źbiraje źviestki, jakija dazvalajuć kampanii acanić ryzyku raźvićcia traŭmy ŭ karystalnika.