Sud u Horadni zakryŭ kulturnuju placoŭku «Centr haradskoha žyćcia» paśla pakazu karciny mastaka Puškina
Haradzienski sud likvidavaŭ «Centr haradskoha žyćcia». Sudździa Julija Bakłažec zadavoliła pazoŭ prakurora Uładzimira Klišyna, paviedamlaje Biełsat.
Nahadajem, padstavaj dla likvidacyi kultavaj kulturnickaj prastory Horadni stała vystaŭleńnie ŭ joj karciny Alesia Puškina, u jakoj nibyta znajšli prykmiety prapahandy nacyzmu.
«Centr haradskoha žyćcia» pracuje ŭ Hrodnie amal 5 hadoŭ, i za hety čas staŭ kultavym miescam dla tvorčych asobaŭ. Heta prastora, jakaja hurtuje aktyŭnych, inicyjatyŭnych ludziej, miesca, dzie papularyzujecca biełaruskaść i pašana da svajho. Za čas pracy placoŭki tut adbylisia bolš za 250 kulturnickich i aśvietnickich imprezaŭ, 35 vystavaŭ, bolš za sotniu prezientacyjaŭ, tvorčych sustrečaŭ, majstar-kłasaŭ, niekalki vialikich fiestyvalaŭ, takich jak kinafiestyval «Watch Docs» i fiestyval intelektualnaj knihi «Pradmova», navukovyja kanfierencyi, kancerty, prezientacyi knih i sustrečy ź litaratarami.
U 2020 hodzie Centr haradskoha žyćcia prapanavaŭ svaju placoŭku dla zboru i pracy vałancioraŭ «ByCovid», jakija dapamahali haradzienskim miedykam u baraćbie z pandemijaj karanavirusa.
19 sakavika 2021 hoda ŭ Centry adčyniłasia vystava mastaka Alesia Puškina «Puškin u Horadni», na jakoj byli vystaŭlenyja mastackija prapanovy rośpisaŭ hrodzienskaha Staroha zamku i tvory mastaka roznych hadoŭ. Prakuror horada Uładzimir Klišyn paličyŭ, što adna z pracaŭ (partret udzielnika antysavieckaha padpolla Jaŭhiena Žychara) parušaje zakanadaŭstva «Ab supraćdziejańni ekstremizmu» i zapatrabavaŭ likvidacyi Centra. Suprać A. Puškina zaviedziena kryminalnaja sprava (art.130), jon — za kratami.