Žycharku Ždanovičaŭ aštrafavali na 1160 rubloŭ za dźvie BČB-nalepki ŭ lifcie
Na 54-hadovuju Juliju Hrynievič u Ždanovickim RAUSie skłali adrazu dva pratakoły pa art. 24.23 KaAP za pikietavańnie 21 i 22 krasavika ŭ lifcie jaje doma, paviedamlajuć pravaabaroncy.
Zhodna z pratokałami «21 i 22 krasavika kala 8:00 u lifcie doma ŭ Ždanovičach Hrynievič raźmiaściła dźvie BČB-nalepki, tym samym praviała adzinočny pikiet».
Sudździa Kropačaŭ cikaviŭsia, ź jakoj metaj jana raźmiaščała nalepki i ci źviazana heta ź situacyjaj u krainie. Sudu Julija paviedamiła, što dahladaje maci i maje aficyjnaje paćviardžeńnie.
U materyjałach spravy taksama jość fotazdymki z kamier videanazirańnia ŭ lifcie, na jakich bačna Juliju. 7 maja za 7 chvilin sudździa Minskaha rajona Kropačaŭ zmoh daskanała aznajomicca z materyjałami spravy, vysłuchać Juliju i pryniać rašeńnie. Vynik — 40 bazavych (1160 rubloŭ).
