8 maja ŭ «Ekspabiele» adkryvajecca punkt vakcynacyi ad kavidu dla ŭsich achvotnych
8 maja ŭ handlovym centry «Ekspabieł» u Minsku adkryjecca centr vakcynacyi ad COVID-19. Pryščepku tut moža zrabić luby čałaviek štodnia z 10.00 da 21.00 ź pierapynkami na dezynfiekcyju.
Fota HC «Ekspabieł».
Z saboju treba mieć pašpart abo inšy dakumient, jaki paćviardžaje asobu. Doktar vas ahledzić na miescy.
U centry vakcynacyi buduć pracavać miedyki Minskaj centralnaj rajonnaj kliničnaj balnicy.
Pryščaplać buduć «Sputnikam V».
Pierad pryščepkaj pacyjenta budzie ahladać lekar, mierać tempieraturu, źbirać epidemijałahičny anamniez, vymiarać saturacyju, ahladać zieŭ.
Paśla ŭviadzieńnia preparatu treba budzie naziracca 30 chvilin, paśla čaho vam vydaduć daviedku ab prachodžańni pieršaha etapu vakcynacyi. Nie mienš čym praz 21 dzień pacyjentu treba budzie znoŭ treba budzie pryjści na pryščepku druhoha kampanienta vakcyny.
Na siońnia ŭ Biełarusi pryščapiłasia choć by adzin raz kala 3% nasielnictva. Dla paraŭnańnia: u Litvie — kala 29%, u Polščy — 25%, u Rasii — kala 9%.
Vakcynacyja dvuma kampanientami daje bolš čym 90%-ju harantyju, što ty nie zachvareješ na kavid prynamsi 6 miesiacaŭ, a, najchutčej, i ceły hod. A ryzyka ciažkaha praciakańnia kavidu paśla vakcynacyi praktyčna vyklučanaja.
Praktyku stvareńnia punktaŭ vakcynacyi ŭ handlovych centrach biełarusy pieraniali ad Izraila i krain Jeŭropy, jakija prasunulisia ŭ hetym dalej za nas.
