U Viciebsku asudzili žančynu, jakaja ź pistaletam prymusiła mužčynu vybačacca
Sud u Viciebsku 5 maja pakaraŭ 180 hadzinami hramadskich rabot žančynu, jakaja paśla svarki ŭ kramie prymusiła nieznajomca paprasić prabačeńnia pad rulaj pistaleta, paviedamlaje Tut.by sa spasyłkaj na pres-słužbu suda.
Incydent adbyŭsia dva miesiacy tamu ŭ adnoj z kram u Viciebsku. Tam vypivali, a potym pasvarylisia dźvie kampanii.
Padčas svarki mužčyna adpuściŭ čarhovuju špilku na adras 50-hadovaj žančyny. Jana palezła ŭ žanočuju sumačku — i, da ździŭleńnia ŭsich, dastała adtul pnieŭmatyčny hazabałonny pistalet. Sprabavała złavić kryŭdziciela na pryceł i z pahrozami patrabavała vybačeńniaŭ.
U sudzie žančyna pryznała vinu.
Sud pryznaŭ viciablanku vinavataj u pahrozie zabojstvam i pryčynieńni ciažkich cialesnych paškodžańniaŭ i pakaraŭ jaje 180 hadzinami hramadskich rabot. Pistalet kanfiskavany na karyść dziaržavy.
