U Homielskaj vobłaści ŭvodziać zbor za vyjezd va Ukrainu na mašynie
Homielski abłasny Saviet deputataŭ pryniaŭ rašeńnie ab uviadzieńni miascovaha zboru pry vyjeździe z krainy. Za kožny vyjezd za miažu kiroŭcy buduć płacić adnu bazavuju vieličyniu, piša Tut.by sa spasyłkaj na Nacyjanalny pravavy internet-partał.
Dziejničać zbor budzie da 1 studzienia 2023 hoda.
Rašeńnie ŭstupaje ŭ siłu z 1 červienia i ŭzhodniena ź Dziaržaŭnym pamiežnym kamitetam i Dziaržaŭnym mytnym kamitetam.
Raniej takoje rašeńnie było pryniata ŭ Hrodzienskaj vobłaści. Jano zaraz prachodzić uzhadnieńnie ŭ Ministerstvie justycyi.
Zbor na vyjezd za miažu budzie raspaŭsiudžvacca na ŭsie aŭtamabili, maksimalnaja masa jakich nie pieravyšaje 5 ton. Pry hetym niama roźnicy, kolki pasažyraŭ u transpartnym srodku: adna mašyna — adna bazavaja (29 rubloŭ).
Zbor zakranie tolki tych, chto jedzie z Homielskaj vobłaści va Ukrainu. Jeździć u Rasiju možna budzie biez vypłaty zboru.
Kiroŭcy, jakija jeduć na pachavańnie členaŭ siamji i blizkich svajakoŭ, ad zboru buduć vyzvalacca. Taksama biaspłatna pierasiekčy miažu zmohuć vieterany, invalidy I i II hrupy, a taksama supravadžajučyja ich asoby, likvidatary katastrofy na Čarnobylskaj AES, asoby, jakija vyjazdžajuć na lačeńnie ŭ sanatoryi. Vyzvalenyja ad zboru taksama tyja, chto pierasiakaje miažu ŭ punktach sproščanaha propusku.
Akramia taho, zbor nie tyčycca hruzaŭ i śpiecyjalistaŭ Čarnobylskaj AES i pradpryjemstvaŭ, jakija pracujuć u zonie adčužeńnia.
