Technik ź Minska abraziŭ Bałabu
U sudzie Maskoŭskaha rajona Minska 4 maja asudzili na 2 hady «chatniaj chimii» technika Instytuta miasa-małočnaj pramysłovaści Andreja Ciemianoŭskaha pa art. 369 Kryminalnaha kodeksa za abrazu ŭ telehram-kanale «Karniki Biełarusi» kamandzira AMAPa Dźmitryja Bałaby. Paciarpieły Bałaba acaniŭ maralnuju škodu ŭ 1000 rubloŭ. Abvinavačvańnie padtrymlivaŭ prakuror Jaŭhien Silakoŭ, paviedamlajuć pravaabaroncy.
Andreja Ciemianoŭskaha pryznali vinavatym u tym, što jon 11 i 12 kastryčnika 2020 hoda ŭ telehram-kanale «Karniki Biełarusi» pakidaŭ kamientary abraźlivaha źmiestu na adras kamandzira AMAPa HUUS Minharvykankama Dźmitryja Bałaby. Sam kamientar u sudzie ahučany nie byŭ.
Na sudzie abvinavačany Ciemianoŭski vinu całkam pryznaŭ.
U vyniku, sudździa Siarhiej Kacer prysudziŭ Andreja Ciemianieŭskaha da 2 hadoŭ abmiežavańnia voli biez nakiravańnia ŭ vypraŭlenčuju ŭstanovu — «chatniaj chimii». Taksama ŭ poŭnaj miery zadavolili zajaŭleny pazoŭ Bałaby ab kampiensacyi maralnaj škody pamieram u 1000 rubloŭ.