Miniust admoviŭ u rehistracyi prarasijskaj partyi «Sajuz» na čale ź Siarhiejem Łuščom
Pra heta paviedamiła pres-słužba Ministerstva justycyi.
U śpisach zasnavalnikaŭ partyi było paznačana 1023 čałavieki, adznačajecca ŭ pres-relizie. Adnak 26 ź ich nie isnujuć. Nu i adzin uvohule nie hramadzianin Biełarusi.
A pakolki 1000 čałaviek, nieabchodnych dla rehistracyi partyi, niama, dyk i nijakaha «Sajuza» nie budzie.
«Padčas stvareńnia partyi dapuščanyja taksama inšyja parušeńni», — adznačaje Miniust.
Ustanoŭčy źjezd prarasijskaj partyi «Sajuz» adbyŭsia 6 sakavika ŭ Minsku. Rasijskimi haściami źjezda byli prychilniki Zachara Prylepina pa «DNR» i deputat Dziarždumy z aneksavanaha Kryma.
Staršynioj partyi mieŭsia być Siarhiej Łušč, jakoha nazyvajuć «hałoŭnym prarasijskim palitykam Biełarusi».
Kandydaturu Łušča na miesca staršyni «Sajuza» vysunuŭ na tym źjeździe Mikałaj Siarhiejeŭ, były lidar prarasijskaj partyi «Słavianski sabor «Biełaja Ruś». Paśla likvidacyi «Słavianskaha sabora» sprobaŭ stvaryć takuju adkryta prarasijskuju partyju ŭ Biełarusi nie było da 2021 hoda.
Čytajcie taksama: Prarasijskija radykalnyja siły ŭ Biełarusi abjadnoŭvajucca ŭ partyju. Vystupić zaprasili paplečnikaŭ Zacharčanki z DNR
Hałoŭny prarasijski palityk Biełarusi Siarhiej Łušč: byŭ «vałchvom» pahanskaj siekty, žonka nie ściarpieła siabroŭ-nieanacystaŭ
