«Zastałosia jak by dźvie karty». Siamaška kaža, što termin padpisańnia ssunuŭsia na paŭhoda
Termin padpisańnia «darožnych kart» pa intehracyi Rasii i Biełarusi moža ssunucca na vierasień-kastryčnik, paviedamiŭ pasoł Biełarusi Uładzimir Siamaška žurnalistam u Jekaciarynburhu, piša Interfaks.
Jon adznačyŭ, što «z 28 nieabchodnych dla padpisańnia kart 26 užo zaparafiravany jurystami Rasii i Biełarusi i hatovyja da padpisańnia».
«Zastałosia jak by dźvie karty. Hetaja tema budzie abmiarkoŭvacca na ŭzroŭni premjer-ministraŭ, naprykład. U kancy červienia budzie forum rehijonaŭ Rasii i Biełarusi. Potym budzie pasiadžeńnie ŭrada Sajuznaj dziaržavy, dzieści ŭ lipieni-žniŭni. Ja raniej dumaŭ, što, moža być, u krasaviku-mai buduć padpisanyja astatnija dźvie karty. Ale ciapier baču, što zruch moža adbycca na vierasień-kastryčnik», — skazaŭ Siamaška.
U pryvatnaści, jon adznačyŭ, što patrabuje dadatkovaha ŭzhadnieńnia darožnaja karta, jakaja datyčycca kaapieracyi vytvorčaści.
