Italjanskija daśledčyki navučyli robata Pepper dumać usłych
Kab daśledavać praces pryniaćcia rašeńniaŭ štučnym intelektam, daśledčyki z Palermskaha ŭniviersiteta navučyli robata ahučvać svaje dumki, kali jon vykonvaje kamandy.
Fota Pixabay
Navukoŭcam udałosia navučyć robata Pepper, jakoha raspracavała kampanija SoftBank Robotics, ahučvać svaje dumki. Heta moža być asabliva karysna, kali robat nie ŭsprymaje niejkuju kamandu čałavieka, bo ciapier Pepper moža sam patłumačyć, čamu jon nie moža vykanać toje ci inšaje dziejańnie, piša The Guardian.
U adnym z ekśpierymientaŭ Pepper musiŭ dapamahčy čałavieku nakryć na stoł. Kali navukoviec paprasiŭ robata pakłaści survetku sprava, što supiarečyć praviłam etykietu, Pepper pačaŭ razmaŭlać i pryjšoŭ da vysnovy, što čałaviek pamylajecca. Zatym jon zapytaŭsia, ci varta jamu praciahvać dziejańnie.
Kali čałaviek paŭtaryŭ kamandu jašče raz, Pepper skazaŭ, što jon nikoli b nie parušyŭ praviły, ale nie moža rasstroić čałavieka, tamu vykanaje kamandu. Paśla hetaha robat pakłaŭ survetku sprava ad talerki.
Navukoŭcy pryjšli da vysnovy, što robat chutčej vykonvaje kamandy, kali ahučvaje svaje dumki.
Pakul što Pepper ahučvaje svaje dumki dziakujučy ŭbudavanaj u jaho vyličalnaj madeli. Adnak daśledčyki nie vyklučajuć, što chutka źjavicca robat, jaki budzie hienieryravać svajo maŭleńnie samastojna.