Były hulec zbornaj Biełarusi stała hałoŭnym trenieram Paŭdniovaha Sudana pa baskietbole
Eks-hulec zbornaj Biełarusi pa baskietbole Lindsej Chardynh uznačaliła žanočuju zbornuju Paŭdniovaha Sudana.
Alena Leŭčanka i Lindsej Chardynh, 2015 hod. Tut.by
Pra heta Chardynh paviedamiła ŭ instahramie, piša Presboł.
Chardynh vystupała za zbornuju Biełarusi ŭ 2015-2018 hadach (jana na kłubnym uzroŭni ŭ toj čas hulała za «Kursk», a potym za turecki «Hielisterynhler») na pazicyi płejmiejkiera, dapamahła našaj kamandzie zavajavać pucioŭku na Hulni ŭ Rya i hladziełasia dobra ŭ zbornaj.
Pa skančeńni karjery hulca była skaŭtam u «Fiładelfii».
Lindsej u kastryčniku 2020 hoda vystupiła ŭ abaronu asudžanaj na 15 sutak, byłoha partniora pa kamandzie Aleny Leŭčanka.
«Alena — vydatny čałaviek ź vialikim sercam. Jana ŭsich lubić. Alena — adna z najlepšych tavaryšaŭ pa kamandzie, jakija ŭ mianie kali-niebudź byli. Ja tak hanarusia joju, što jana na pravilnym baku — heta zastaniecca ŭ historyi. Jana za pieramieny dla budučyni Biełarusi. Ja padtrymlivaju jaje i ludziej, jakija chočuć pieramien.
U historyi majoj krainy tysiačy byli aryštavanyja, zmahajučysia za pieramieny. Kali b ludzi nie zmahalisia, ja, jak ciemnaskuraja žančyna, nie mieła b prava hałasavać i chadzić u škołu. Ludzi zmahalisia za mianie, a Alena zmahajecca za budučyniu Biełarusi», — kazała tady Chardynh.