Cichanoŭskaja: My, biełarusy, nie admovimsia ad suvierenitetu i niezaležnaści
Palityk Śviatłana Cichanoŭskaja vykazałasia pa aktualnych pytańniach biełaruska-rasijskich adnosin.
«Ja zaŭsiody była z vami ščyraja. Ciapierašniaja palityčnaja situacyja vielmi tryvožnaja. U najbližejšy čas my možam sutyknucca ź nieabchodnaściu abaraniać svaju niezaležnaść. Čałaviek, jaki dziesiacihodździami budavaŭ sabie reputacyju «haranta suvierenitetu», sam staŭ pramoj pahrozaj suvierenitetu. I heta całkam na jaho adkaznaści», — skazała jana.
«Jak abrany pradstaŭnik biełaruskaha naroda zajaŭlaju, što nijakaja dadatkovaja «abarona» z boku Rasiei nam nie patrebnaja. A vydumanaja zmova z zamacham — vidavočnaja pravakacyja, kab apraŭdać ŭmiašańnie Rasii va ŭnutranyja spravy našaj krainy. Taksama ja chaču padkreślić, što biełaruski narod vielmi ciopła i dobrasusiedski stavicca da Rasiei. Prapanuju pakinuć adnosiny našych narodaŭ mienavita takimi. Luboje rašeńnie, jakoje zakranaje nacyjanalnyja intaresy, nie moža być pryniataje i tym bolš ažyćcioŭlena biez voli biełaruskaha naroda. Biełaruski narod vymušany zmahacca za svaju svabodu, my ŭžo dakazali, što ŭmiejem za siabie pastajać. I my, biełarusy, nie admovimsia ad suvierenitetu i niezaležnaści», — adznačyła palityk.
