«Vielmi chaciełasia vypić». Para skrała ŭ kramie try plaški nastojki — i moža pajechać u kałoniju na čatyry hady
Zdareńnie adbyłosia siarod dnia ŭ kramie bytavoj chimii na vulicy Skaryny ŭ Maładziečnie.
U milicyju pazvaniła kasir i raskazała, što dvoje schapili sa stełaža niekalki plašak śpirtnoha i źbiehli, paviedamlaje mlyn.by
Rabotniki milicyi najpierš vyvučyli zapisy videakamier, a tam było vidno, jak mužčyna i žančyna, zajšoŭšy ŭ kramu, nakiravalisia ŭ vinna-harełačny adździeł. Tam sa stełaža jany ŭziali try plaški nastojki: dźvie — mužčyna pakłaŭ znajomaj u zaplečnik, adnu — žančyna schavała za pazuchu.
Paśla hetaha para nakiravałasia da vychadu, sprabujučy vynieści ŭsie mima kasy. Piersanał pasprabavaŭ spynić złamyśnikaŭ. Ale mužčyna, schapiŭšy zaplečnik, vyrvaŭsia i ŭciok. Žančynie zatym taksama ŭdałosia źbiehčy.
Ich znajšli mienš čym za sutki. Heta byli biespracoŭnyja 32-hadovy dziaciuk i jaho 31-hadovaja siabroŭka. Jany raspaviali, što na kradziež pajšli, bo vielmi zachaciełasia vypić.
Im pahražaje da čatyroch hadoŭ pazbaŭleńnia voli (č.1, art. 206).
