U Białyničach mužčynu pakarali hodam chimii za abrazu Łukašenki
U adnosinach da žychara Białynickaha rajona Ł. była zaviedziena kryminalnaja sprava za toje, što jon publična abraziŭ kiraŭnika krainy, pakinuŭšy na svajoj staroncy va «UKantakcie» źnievažalny i dyskredytujučy post, piša 6tv.by.
Jak paviedamiła prakuratura Białynickaha rajona, na sudzie mužčyna rastłumačyŭ, što pračytaŭ artykuł pra Łukašenku i kamientaryi inšych karystalnikaŭ u hrupach u telehramie.
Mužčyna paddaŭsia emocyjam i pakinuŭ svajo abraźlivaje mierkavańnie na adras kiraŭnika dziaržavy, raźmiaściŭšy kałaž, stvorany pry dapamozie fotašopa.
Na sudzie jon pryznaŭ, što svaimi dziejańniami publična abraziŭ kiraŭnika krainy.
Vynik — hod abmiežavańnia voli z nakiravańniem u vypraŭlenčuju ŭstanovu adkrytaha typu. Telefon, ź jakoha hramadzianin raźmiaščaŭ svoj post, kanfiskavany ŭ dachod dziaržavy.